|
ДҮНИЕЖҮЗІ ҚАЗАҚТАРЫ ҚАУЫМДАСТЫҒЫНЫҢ ҚҰРЫЛЫМЫ Қазақтардың Ш Дүниежүзілік Құрылтайы 2005 жылы қыркүйек айында Астана қаласында болып өтті. Осы Құрылтайда: Дүниежүзі қазақтарының қауымдастығы Төралқа төрағасы болып Н.Ә.Назарбаев сайланды. Дүниежүзі қазақтарының қауымдастығы Төралқа төрағасының орынбасары болып Т.А. Мамашев сайланды. Төралқа мүшелері – Назарбаев Нұрсұлтан (Қазақстан), Мамашев Талғат (Қазақстан), Балғабаев Сұлтанәлі (Қазақстан), Бәкіров Мейірманқұл (Өзбекстан). Жанболатов Сұлтан (Қытай), Қабсаттар Омар (Монғолия) және Шетин Әбдірахман (Германия).
Әбдірахман Шетиннің зейнеткерлік демалысқа шығуы мен Мейірманқұл Бәкіровтің Өзбекстан Республикалық қазақ мәдени орталығының төрағасы қызметінен басқа жұмысқа ауысуына байланыста Асқаров Үсен (Өзбекстан) мен Дүсенбаев Тоқтарбай (Ресей) Төралқа мүшесінің міндетін атқарушы болып сайланды. ДҮНИЕЖҮЗІ ҚАЗАҚТАРЫ ҚАУЫМДАСТЫҒЫНЫҢ АППАРАТЫ: Назарбаев Нұрсұлтан Әбішұлы, Дүниежүзі қазақтарының қауымдастығы Төралқа төрағасы 
Мамашев Талғат Асылұлы, Дүниежүзі қазақтарының қауымдастығы Төралқа төрағасының бірінші орынбасары  14.10.1948 ж., Алматы облысының Еңбекшіқазақ ауданындағы Байсерке ауылында туған.
Т.Мамашев Қазақ Ұлттық Мемлекеттік университетін, Алматы халық шаруашылығы институтын және Саясаттану институтын бітірген. Тарихшы, саясаттанушы, экономист.
Еңбек жолын 1966-1973 жылдары Алматы мақта-мата комбинатында электрик, комсомол комитетінің хатшысы болып бастаған. 1973-1975 жылдары Алматы қаласының Калинин аудандық комсомол комитетінің хатшысы, бірінші хатшысы, 1975-1979 жылдары Алматы қалалық комсомол комитетінің бірінші хатшысы, 1979-1984 жылдары Әуезов аудандық ауатком төрағасының бірінші орынбасары, 1985-1991 жылдары Алматы қалалық Калинин аупарткомының бірінші хатшысы. 1991-1994 жылдары Алматы облыстық партия комитетінің хатшысы, облатком төрағасының орынбасары, облыс әкімінің орынбасары. 1994-1997 жылдары Қазақстан Республикасының Мәдениет министрі. 1990-2004 жылдары Мәдениетті қолдау ұлттық қорының басқармасының төрағасы.
Т.Мамашев Абайдың және Жамбылдың 150 жылдық мерейтойларын тікелей өзі басқарып үлкен дәрежеде өткізді.
Дүниежүзі қазақтарының I Құрылтайына белсене ат салысып, Ш Құрылтайын абыройлы да іскерлік жағдайда атқарды. Көптеген халықаралық жиындар мен фестивальдерді ұйымдастырып, еліміздің шетелге танылуына ерекше еңбегін сіңірді. Қазақстанның мәдениетіне үлкен үлес қосқан қоғам қайраткері.
Қазақ ССР Жоғары Кеңесінің Құрмет грамотасымен, (1971 ж) «Құрмет белгісі» орденімен (1975 ж), "Шыңғыс хан" медалімен (2006), "Құрмет" орденімен (2007ж), және басқа да медальдармен марапатталған
2004 жылдан «Дүниежүзі қазақтарының қауымдастығы» республикалық қоғамдық бірлестігінің Төралқа төрағасының бірінші орынбасары
Балғабаев Сұлтанәлі Базарбайұлы, Дүниежүзі қазақтарының қауымдастығы Төралқа төрағасының орынбасары  Балғабаев Сұлтанәлі Базарбайұлы 1946 жылы мамыр айының 21 күні Қызылорда облысының қазіргі Мұстафа Шоқай ауылында дүниеге келген.
Ол еңбек жолы 1964 жылы туған ауылында шопан болудан басталған. 1971 жылы Қазақтың мемлекеттік университетінің журналистика факультетін бітірген. «Бастау», «Жұлдызың жансын!», «Алтын сағым», «Құм мен қызғалдақ», «Шөл», «Дала мен дария», "Красная гармоны", "Тойдан қайтқан қазақтар", "Сағыныш пен елес", "Менің әжем сиқыршы", "Өтірік айтпайтын адам" атты прозалық кітаптардың авторы.
С.Балғабаев драматургия саласында да жемісті еңбек етіп жүр. Оның қаламынан туған «Ең әдемі келіншек», «Тойдан қайтқан қазақтар», «Ғашықсыз ғасыр», «Қыз жиырмаға толғанда», «Қазақша күрес», «Біз де ғашық болғанбыз» және басқа да пьесалары М.Әуезов атындағы академиялық театрда, Ғ.Мүсірепов атындағы жастар мен балалар театрында және еліміздің облыстық театрларында қойылған.
С.Балғабаев қазақ халқының ұлттық рухани мәселелері, ана тілдің тағдыры, әдебиет пен өнердің бүгіні мен болашағы туралы көптеген публицистикалық мақалалар жазған. Бұл шығармалары 1998 жылы «Қазақтың қызыл кітабы» деген атпен жеке жинақ болып шыққан.
Ол 1992 жылдан бері Дүниежүзі қазақтары қауымдастығы Төралқасы төрағасының орынбасары қызметін үзбей атқарып келеді. Осы қызметіне орай С.Балғабаев Әлем қазақтарының Алматы, Түркістан және Астана қалаларында өткен үш Құрылтайын ұйымдастыруға ат салысты. Соңғы Құрылтайда Дүниежүзі қазақтары қауымдастығының Төралқа мүшесі болып сайланды.
С.Балғабаев шетелдегі қазақтарға арналған еларалық «Алтын бесік» журналын шығаруда да жемісті еңбек етіп жүр. Жоғарыдағы еңбектері бағаланып "Құрмет" орденімен, Қазақстанның 10 жылдығы, Астананың 10 жылдығы медальдармен марапатталған. Ол халықаралық "Алаш" сыйлығының лауреаты.
Уатқан Ботагөз, Дүниежүзі қазақтары қауымдастығының ұйымдастыру бөлімінің меңгерушісі  1956 жылы 15 мамырда туған.
Әл-Фараби атындағы Қазақ Ұлттық университетінің филология факультетін, Монғолия Халық Революцияшыл Партиясы Орталық Комитеті жанындағы партия жоғары мектебін, экономикалық білімін жетілдіру мақсатында екі жылдық Халық университетін оқып бітірген.
1978-1980 ж. Бай-Өлке аймағында орта мектептің мұғалімі, 1980-1991 ж. Моңғолияның астанасы Уланбатыр қаласында Моңғолия Революцияшыл Жастар Одағы Орталық Комитетінде (бұдан былай МРЖО ОК) нұсқаушы, әдістеме кабинетінің меңгерушісі, 1992–1994 жж. Монғолия еңбек министрлігінің Қазақстандағы өкілдігінде ұйымдастырушы қызметтерін атқарған.
1994 жылдан Дүниежүзі қазақтарының қауымдастығында қызмет атқарып келеді.
Б. Уатқан II дәрежелі "Достық" орден иесі.
Ертай Мәдина, Дүниежүзі қазақтары қауымдастығының жалпы бөлімінің меңгерушісі  Ертай Мадина Есенбайқызы 1979 жылы 31 тамызда Оңтүстік Қазақстан облысы, Бәйдібек ауданы, Қошқарата ауылында дүниеге келген.
1986 – 1996 жж. орта мектебін, 2000 – 2004 жж. Әл-Фараби атындағы Қазақ ұлттық университетінің филология факультетін «аударма ісі» мамандығы бойынша бітірген.
2005 – 2007 жж. осы мамандық бойынша аталған факультеттің магистратурасын тәмамдады.
2004 –2005 жж. еларалық «Алтын бесік» журналында бөлім меңгерушісі, 2005 – 2009 жж. Дүниежүзі қазақтары қауымдастығының құжат бөлімінде аудармашы болып жұмыс істеді. 2009 жылдан бастап Қауымдастықтың жалпы бөлім меңгерушісі.
Орынбекова Жанна, Дүниежүзі қазақтары қауымдастығының құжат бөлімінің меңгерушісі  Орынбекова Жанна Аманғазықызы 1969 жылы 8 қаңтарда Шығыс Қазақстан облысы, Аягөз ауданы, Ақшатау ауылында туған.
1975 – 1985 жж. орта мектепті, 1985 – 1988 жж. осы мектепте мұғалім, 1988 – 1993 жж. Әл-Фараби атындағы Қазақ ұлттық университетінің шығыстану факультетін араб тілінің мамандығын оқып бітірген.
1994 жылдан Дүниежүзі қазақтарының қауымдастығында жетекші маман, бас маман, 2005 жылдан бері Қауымдастықтың құжат бөлімінің меңгерушісі.
Қазақстан Республикасы Мәдениет және ақпарат министрлігінің "Құрмет" дипломымен марапатталған.
Омарова Гүлсім, Дүниежүзі қазақтары қауымдастығының анықтама - ақпарат бөлімінің меңгерушісі, кітапханашы  1962 жылы 7 қыркүйекте Қызылорда облысы Шиелі қыстағында туған. 1969-1979 жж. №45 қазақ орта мектебін бітірді. 1979-1983 жж. Алматы қаласындағы Қазақ мемлекеттік Қыздар педагогикалық институтының кітапханатану және библиография факультетін кітапханашы-библиограф мамандығы бойынша бітірді. 1983-1989 жж. Қызылорда облысы Шиелі аудандық орталықтандырылған кітапханада кітап қорын толықтыру бөлімінің редакторы, аға кітапханашы, бөлім меңгерушісі болып қызмет етті. 1989-1990 жж. Ақтау қаласындағы Маңғыстау энергокомбинатына қарасты № 262 балабақшада тәрбиеші болып қызмет етті. 1991-2008 жж. Алматы қаласындағы Мемлекеттік республикалық жасөспірімдер кітапханасында аға кітапханашы, әдіскер, әлеуметтанушы, оқу бөлімінің меңгерушісі, ғылыми-әдістемелік бөлімнің меңгерушісі, кітап қорын сақтау бөлімінің меңгерушісі қызметтерін атқарды.
2008 жылдың қыркүйегінен бастап Дүниежүзі қазақтарының қауымдастығының «Атажұрт» баспасының редакторы болып қызмет етеді.
Алматы қаласы әкімінің, Алматы «Руханият» кәсіпкерлер одағының Құрмет грамоталарымен марапатталған.
Жұртшыбаева Рысжан, Дүниежүзі қазақтары қауымдастығының бас есепшісі  Жұртшыбаева Рысжан Камаладдинқызы, 1959 жылы 24 наурызда Қызылорда қаласында туған. 1966 – 1976 жж. орта мектеп оқып бітірген. 1976 – 1977 жж. Аспандияров атындағы Медицина институтында, 1980 – 1983 жж. Семей қаласындағы финанс экономикалық техникумын тәмамдаған.
1978 – 1985 жж. Финанс министрлігінің мемлекеттік сақтандыру ұйымында бас экономист, 1985 – 2000 жж. Қазақстан жазушылар одағында бас есепші, 2000 жылдан бері Қауымдастықтың бас есепшісі.
Қазақстан Республикасы Мәдениет және ақпарат министрлігінің "Құрмет" дипломымен марапатталған.
Мешелқызы Нұрсәуле, Қауымдастықтың ғылыми орталығының үйлестірушісі 
ДҮНИЕЖҮЗІ ҚАЗАҚТАРЫНЫҢ ҚАУЫМДАСТЫҒЫ ЖАНЫНДАҒЫ БАСПАЛАР: Мамашев Талғат, "Туған тіл" алманағының бас редакторы Мұқашева Жанар, "Туған тіл" алманағының жауапты хатшысы Хасанова Баян "Туған тіл" альманағының корректоры Балғабаев Сұлтанәлі, "Алтын бесік" журналының бас редакторы  Мұратқызы Салтанат, "Алтын бесік" бөлім меңгерушісі
 Шәкенұлы Жәди, "Атажұрт" баспа орталығының бас редакторы
ДҮНИЕЖҮЗІ ҚАЗАҚТАРЫНЫҢ ҚАУЫМДАСТЫҒЫ ЖАНЫНДАҒЫ ОРТАЛЫҚТАР: Бабалықұлы Жағда , ақсақалдар алқасының жетекшісі Зейіпхан Ермұрат, Өнер орталығының жетекшісі Қанабеков Серікжан, Дүниежүзі қазақтарының қауымдастығы ғимаратының меңгерушісі Меңдіқұлова Гүлнар, Ғылыми орталықтың жетекшісі Тынысбек Талапбек, "Жербұйда" жастар бірлестігінің жетекшісі 
|
Құрылымы
